கண்ணாடி

Tuesday, February 26, 2008

நான் எழுதிய தமிழ் புத்தகங்களைவிட
அதை விமர்சித்த ஆங்கில நாளிதழுக்கு மதிப்பு அதிகம்,
பழைய காகித கடையில்.

வானவில் எய்த அம்பொன்று
என் வீட்டு தோட்டத்தில் வந்தமர்ந்தது,
வண்ணத்துப்பூச்சியாய்.

சூரியன் உமிழும் சூடான எச்சில்
என் மீது வழிகிறது, வெயிலாய்.

நான் தமிழ் படித்ததை, ஊருக்கு உணர்த்தியது
இரண்டு ஆங்கில எழுத்துக்கள்,
M.A.

பள்ளியில் தமிழில் பேசினால் தரக்குறைவாம்.
தண்டனைய வாசித்துவிட்டு சென்றார்.
என் ஆசிரியை, தமிழரசி.